Published On: Sat, Feb 2nd, 2019

Duqeyn kale oo maalmo gudahood Al-Shabaab lagula beegsaday gobolka Hiiraan

Dayuurad aan duuliye laheyn oo la aaminsan yahay iney leeyihiin ciidamada Maraykanka ee jooga Somalia ayaa maalmo gudahood duqeyntii labaad Al-shabaab kula beegsatay gobolka Hiiraan.

Duqeynta dambe ayaa ka dhacday saldhig kooxda Al-shabaab ku leeyihiin inta u dhaxeysa deegaanada Boq-goosaar iyo Burdhe ee dhaca galbeedka magaalada Baladweyne ee xarunta Gobolka Hiiraan sida ay sheegayaan wararka halkaas naga soo gaaraya.

Dad ku nool tuulooyin aagaas ku dhow ayaa sheegaya iney maqleen qaraxyo waaweyn oo ka dhashay gantaalaha lagu duqeeyey saldhiga Al-Shabaab

Al-Shabaab ayaa la sheegay in duqeyntan loogu geystay khasaare xoogan inkastoo aan la heynin faahfaahinta waxyeelada ka dhalatay weerarkan u dambeeyey.

Maalmo ka hor ayey aheyd markii sidan oo kale dayuurad uu maraykanku leeyahay ay gantaalo ku weerartay saldhig ay Al-shabaab ku laheyd degaanka Luuq-jeelow oo 25-km u jira magaalada Beled-weyne.

Saraakiisha Maraykanka ee jooga Somalia aya sheegay iney duqeyntaas ku dileen 24 ka tirsan Al-Shabaab oo ku sugnaa saldhigaas.

Allbanadir

About the Author

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

gabadhiireerSudan tuuglaxaday300 ANAASIXRAYNINKA3002 Aabedartii300 arooskaorod300