Published On: Mon, Jul 16th, 2018

Eritrea oo dib u furtay safaaradeedii Ethiopia

Eritrea ayaa dib u furtay safaaraddeedii Ethiopia. Dib u furista safaaradda ee maanta ayaa timid toddobaad kadib markii labada dal ay ku dhawaaqeen inay soo afjareen labataan sano oo is-marin waa milatari uu ka taagnaa xudduudda, kaasi oo kumanaan qof ay ku dhinteen.

Ra’iisul wasaaraha Ethiopia, Abiy Ahmed ayaa madaxweynaha Eritrea Isais Afwerki u gacan geliyey furayaasha safaaradda oo ku taalla bartamaha magaalada Addis-Ababa ee caasimadda Ethiopia.

Furitaanka safaaradda ayaa soo geba gebeysay booqasho saddex maalin qaadatay oo uu Afwerki ku joogay Ethiopia.

Kumanaan qof ayaa ku dabaal-degay Addis-Ababa axaddii, ayada oo Abiy iyo Isais ay ka qeyb galeen xafladda nabadda laba dal ee horey cadowga isugu ahaa.

Isais ayaa dadka Ethiopia u sheegay “naceybkii, faquuqii iyo shirqooladii iminka way dhammaadeen”, isagoo intaas ku daray inay diyaar u yihiin inay horey ugu dhaqaaqaan ayaga oo mid ah, islamarkaana cidna aysan ka xadi karin jaceylka ay heleen.

Abiy ayaa isna yiri “Is-cafisku wuxuu xorreeyaa qalbiyada, marka aan leenahay dib ayaan u heshiinay, waxaan ula jeednaa waxaan dooranay waddadii is-cafinta iyo jaceylka.”

VOA

About the Author

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

gabadhiireerSudan tuuglaxaday300 ANAASIXRAYNINKA3002 Aabedartii300 arooskaorod300