Published On: Sat, Jul 14th, 2018

Shacabka Galmudug oo soo dhaweeyay heshiiska madaxda maamulkaas

Shacabka ku dhaqan magaalada Dhuusamareeb ee xarunta dowlad goboleedka Galmudug, ayaa si niyad sami leh u soo dhaweeyay heshiiska ay wada gaareen dhinacyada isku maandhaafsanaa arrimaha maamulkaas.

Mudadii uu jirey is-faham waaga, ayaa waxaa la soo wariyay in shaqooyinkii dowlad goboleedka Galmudug ay istaageen intooda badan maadaama ay kala aragti duwanaansho soo kala dhexgashay madaxda maamulkaas oo u kala jabay magaalooyinka Cadaado iyo Dhuusamareeb.

Dadaalo, ay sameysay dowladda federaalka Soomaaliya, ayaa guul ku dhamaaday markii labada dhinac ay is-faham buuxa gaareen.

Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa bogaadiyay is-fahamka ay gaareen dhinacyada Galmudug oo maalmahan u joogay magaalada Muqdisho xal u helista khilaafaadka siyaasadeed ee ka dhex jiray.

Madaxweynaha ayaa yiri “Keddib wada-tashiyo aan la yeeshay dhinacyada ay khuseyso dib-u-heshiisiinta Galmudug, waxaan xalay ka gaarnay natiijo wax ku ool ah oo u adeegeeysa danta guud, taas oo ku timid isu-tanaasul iyo is-qancin.”

Madaxda Galmudug ee ka qeyb gashay wada hadalladan ayaa soo dhaweeyay tubta ay u jeexday Dowladda Federaalka Soomaaliya ee lagu soo afjarayo khilaafaadka siyaasadeed ee bilihii u dambeeyay taagnaa, waxaana la isla meel dhigay in hawsha lagu dhammeystiro magaalada Dhuusamareeb.

About the Author

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

gabadhiireerSudan tuuglaxaday300 ANAASIXRAYNINKA3002 Aabedartii300 arooskaorod300