Published On: Wed, Mar 8th, 2017

Madaxweyne Farmaajo Iyo Xoghayaha Guud Ee QM Oo Ka Wada Hadlay Arrimaha Abaaraha Iyo Amniga

Madaxweynaha DFS, Maxamed Cabdullaahi Maxamed (Farmaajo) ayaa magaalada Muqdisho ku qaabilay wafdi uu hoggaaminayay Xoghayaha Guud ee Qaramada Midoobay Mudane Antonio Guterres.

Madaxweynaha iyo Xoghayaha Guud ee QM ayaa ka wada hadlay arrimaha abaaraha iyo amniga, waxayna si wada jir ah baaq ugu direen Beesha Caalamka, si gurmad degdeg ah loo gaarsiiyo dadka Soomaaliyeed ee ay abaartu ku habsatay.

“Waxaan aad ugu faraxanahay in halkan uu inoogu yimaado Xohayaha Guud ee Qaramada Midoobay Mudane Antonio Guterres, si uu adduunka u tuso dhibaatada xoogga leh ee maanta na haysata. Waxaan sidoo kale ka wada hadalnay arrimaha amniga dalka.” Ayuu yiri Madaxweyne Farmaajo oo si wadajir ah shir jaraaid ula qabtay Mudane Guterres.

Mudane Guterres ayaa dhankiisa ballan qaaday in beesha caalamka ay diyaar u tahay in ay Soomaaliya garab istaagto xilligan si looga fogaado xaalad macaluul, waxaana uu sheegay in ay jiraan fursado looga hortagi karo wixii dhacay sanadkii 2011.

Ugu dambeyntii, Xoghayaga Guud ee Qaramada Midoobay Mudane Antonio Guterres ayaa u gudbay magaalada Baydhaba si ay QM qiimeyn ugu soo sameeyaan xaaladda abaaraha ee gobolkaas oo kamid ah meelaha ugu daran ee ay abaaruhu ku dhufteen.

About the Author

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

gabadhiireerSudan BaadiGoob300 tuuglaxaday300 ANAASIXRAYNINKA3002 Aabedartii300 arooskaorod300