Published On: Fri, Dec 30th, 2016

Maraykanka oo u qabtay 72 saacadood inay ugaga baxaan dalkiisa diblumaasiyiin Ruush ah

obama-butin-170x114

Dowlada Maraykanka ayaa ku amartay in ay isaga baxaan dalka Maraykanka 35 diblumaasi iyadoo Maraykanka uu ku tilmaamay diblumaasiyiintaas inay farogelin ku sameeyeen doorashadii Madaxweynaha dalka Maraykanka.

Sidoo kale waxaa la amray in albaabada loo laabo labo xarun oo dowlada Ruushka ku lahayd magaalooyinka Maryland iyo New York kuwaasoo la sheegay in loo isticmaalayay soo ururinta xogaha dalka Maraykanka.

Madaxweynaha Maraykanka Barack Obama ayaa dhowaan sheegay in uu talaabo adag ka qaadi doono dowlada Ruushka kadib markii lagu eedeeyay in ay ku lug lahayd in la jabsado ololaha xisbiga Dimuqraadiga iyo ololihii ay waday musharixii xisbiga Dimuqraadiga Hillary Clinton. Hase yeeshee dowlada Ruushka ayaa beenisay inay wax lug ah ku leedahay eedeymaha loo soo jeediyay ee ah in ay farogelisay doorashada dalka Maraykanka.

Wasaarada Arrimaha Dibada Maraykanka ayaa shaacisay in 35ka diblumaasi ay ka howlgalayeen safaarada Ruushku ku lahaa magaalada Washington DC iyo qunsuliyada Ruushka ee magaalada San Francisco, diblumaasiyiintaa iyo qoysaskooda ayaa loo qabtay muddo 72 saacadood inay ugaga baxaan dalka Maraykanka.

Dowlada Ruushka ayaa la filayaa inay falkaan ugaga jawaabto mid la mid ah oo ay dalkeeda ka soo eriso diblumaasiyiin Maraykan ah. Talaabadan uu ku dhaqaaqay Madaxweyne Obama ayaa waxaa dhaliilay xisbiga Jamhuuriga iyagoo ku tilmaamay mid muujineysa daciifnimada dowlada Maraykanka ee dhinaca diblumaasiyada gaar ahaan dalka Ruushka.

About the Author

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

gabadhiireerSudan BaadiGoob300 tuuglaxaday300 ANAASIXRAYNINKA3002 Aabedartii300 arooskaorod300