Published On: Sat, Jul 23rd, 2016

Puntland oo sheegtay Qaramada Midoobay inay u diiday in lagu wareejiyo Maxaabiis Shabaab oo Garowe ku xiran

puntland and qaramada midoobay

Maamulka Puntland ayaa sheegay xubno ka socday Qaramada Midoobay oo gaaray Magaalada Garowe inay u diideen ku wareejinta Maxaabiis Shabaab ah oo ku xiran Xabsiga Magaalada Garowe.

Maxaabiistaan Shabaabka ah ayaa lagu qabtay dagaaladii ka dhacay Deegaano ka tirsan Gobolka Nugaal iyo Gobolka Mudug, halkaasi oo Shabaab ay duulaan ku qaadeen.

Xeer ilaaliyaha maxkamada ciidamada qalabka sida ee gobolada Nugaal iyo Sool Gaashaanle Cabdullaahi XirsiCali(Cabdullaahi Dheere) ayaa sheegay xubnaha Qaramada Midoobay ka socday ee ay la kulmeen Todobaadkii hore inay codsadeen in lagu wareejiyo Maxaabiista Shabaabka.

Wuxuu sheegay Maxaabiista inay doonayeen inay geeyaan Magaalada Muqdisho, balse Puntland ay u sheegtay inaysan bixineyn maxaabiistaasi.

Cabdullaahi Dheere, ayaa warkiisa intaasi ku daray in Maxaabiista Shabaabka u xiran ee ku jira Xabsiga Magaalada Garowe xaaladooda ay tahay mid hagaagsan oo dhibaato aanan haysan.

Wafdi ka socda Qaramada Midoobay, ayaa todobaadkii hore waxa ay booqdeen Xabsiga Magaalada Garowe oo ay ugu kuurgaleen xaalada ay ku sugan yihiin Maxaabiista Shabaabka ee halkaasi ku xiran.

Puntland ayaa sidoo kale sheegtay in la tooganaayo xubnaha Shabaabka ka tirsan ee dilka toogashada ah lagu xukumay.

Dhalinyaro badan oo Shabaab ka tirsan, laguna qabtay dagaaladii ka dhacay Aaga Togga Suuj, ayaa ku xiran Xabsiga Magaalada Garowe.

About the Author

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

gabadhiireerSudan BaadiGoob300 tuuglaxaday300 ANAASIXRAYNINKA3002 Aabedartii300 arooskaorod300