Published On: Sun, May 22nd, 2016

Dadki ka barakacay fatahaadda iyo colaadda Beledweyne oo ka cabanaya nolol xumo

BeledWeyne-frontok
Waxaa laga deyrinayaa xaaladda nololeed ee dadki ka barakacay fatahaadda iyo colaadda Beledweyne kuwaasoo ku dhibaateysan duleeddada magaaladaasi.Qoysaska ka barakacay Beledweyne oo gaaray deegaannada Janta Kun dishe iyo Ceel jaalle ayaan heysan gabbaad ay galaan gabowga habeenki, dhibicda roobka iyo qoraxda maalinti, tiiyoo ay u sii dheertahay cunto la’aan.

Waxaa sii kordhaya qulqulka dadka ka barakacaya xaafadaha magaaladaasi, kaddib markii biyaha wabigu gaareen xaafado badan oo ka mid ah degmadaasi, inkastoo ay socdaan gurmad lagu soo saarayo dad weli ku go’doonsan guryahooda.

Qaar ka mid ah barakacayaashaasi oo la hadlay Radio Muqdisho ayaa dalbaday in lala soo gaaro gurmad deg deg ah maaddaama ay ka barakaceen guryahoodii haatana ay ku suganyihiin meel banaan oo an laheyn waxyaabaha lagama maarmaanka u ah nolosha bani’aadamka.

Maamulka degmada Beledweyn iyo kan gobolka Hiiraan ayaa hore u dalbaday in loo soo gurmado dadkaasi barakacayaasha ah, iygoo tilmaamay iney wadaan dadaallo ay ugu gurmanayaan dadkaasi intii karaankooda ah.

About the Author

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

gabadhiireerSudan BaadiGoob300 tuuglaxaday300 ANAASIXRAYNINKA3002 Aabedartii300 arooskaorod300