Published On: Thu, May 19th, 2016

Shirka wasiirada Wasaaradaha biyaha dowladaha ururka  OIC oo lagu qabtay Istanbul-Sawirro

IMG_0625

Shirka ayaa looga wada hadlayay dhibaatada biya la’aanta ka jirta wadamada qaar  iyo caafimaad darada ay leedahay biyaha wasakheysan.

Wasiirka Biyaha dowlada Turkiya DR professor Veysal Eroglu  ayaa shir guddoonminaya  waxana furitaanka shirka khudbad  ka jeediyay madaxweynaha dalkan Turkiga Recep Tayyip Erdoğan, waxuuna ka hadlay sida dowlada Turkiga ay u heelan tahay wax ka qabashada biya la’aanta wadamada islaamka qaar kamida oo ay heysato xalad biya xumo .

Isagoo xusay in  mashaariic dhowr ah oo ay ka fuliyeen qaarada Afrika gaar ahaan Suudaan iyo Jabuuti oo iyadu heer gabagaba ah mareysa, waxaana loogu deeqay qalab mashruuc biya xireen ah kaaso ay ka faa’iideysan doonaan dad badan oo reer Jabuuti ah.

Soomaaliya ayaa shirkaas waxaa ugu qeybgalayay wefdi uu hogaaminayo wasiirka tamarta iyo kheyraadka biyaha ee xukuumadda Soomaaliya mudane Maxamed Mursal Sheekh C/raxmaan, isagoo shrika ka hadlayna waxaa uu ka warbixyay xaalada biyaha ee dalka Soomaaliya waxaana Turkiga ugu mahadceliyay martigelinta shirkan muhiimka ah.

Wasiirka biyaha ee dalka Turkiga isla markaana ahaa shir guddoonka ayaa khudbadiisa ku soo qaaday xaalada biyaha ee Soomaaliya waxaana uu sheegay in arintaas wax badan laga qaban isla markaana bank Islaamka ay la gaashan doonaan sidii mashruuc biyo xireeno ay loogu hirgelin lahaa Soomaaliya.

Hadalkaan wasiirka ayaa ku soo aadaya kadib markii ay shalay ay kulmeen labada wasiir ee wasaaradaha tamarka dalka Turkiga iyo Soomaaliya Veysal Eruglo iyo Maxamed Mursal Sheekh C/raxmaan, ayagoo ka wada hadlay iskaashiga labada wasaaradood sidii loo xoojin lahaa.

Ugu  dambeyntii wasaarada ayaa la filayaa in dhowaan wasaarada ay dardargalin doonto qorshayaal horumarineed , sidoo kale dowlada Turkiya ayaa balan qaaday in ay siin doonto wasaarada dib u dhis baaxad leh, kadibna tabar iyo qalab ugu deeqi doonto Soomaaliya kaas oo wax weyn ka badali doonaa xaalada biya la’aaneed ee ka jirta dalkeena Soomaaliya.

IMG_0609 IMG_9764 IMG_9773 IMG_9776 IMG_9798 IMG_9804 IMG_9814 IMG_9831

W/D:  Kamal Hassan Hussein- İstanbul Turkiga

About the Author

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

gabadhiireerSudan BaadiGoob300 tuuglaxaday300 ANAASIXRAYNINKA3002 Aabedartii300 arooskaorod300