Published On: Mon, May 16th, 2016

Munaasabad lagu soo bandhigay daraasad laga sameeyay caqabadaha dhaliyarada heysta oo Muqdisho lagu qabtay-Sawirro

13211001_1037298603016307_1422833279_o

Munaasabadan oo lagu qabtay magaaladda Muqdisho ayaa waxaa lagu soo bandhigay cilmi baaris dhalinyaro Soomaaliyeed oo aqoon yahan ah ay ka sameeyeen dhibaatooyinka dhalinyarada Soomaaliyeed waxaana ka qayb galay mas’uuliyiin ka tirsan dowladda Soomaaliya oo ay ka mid yihiin wasiir ku xigeenka dhalinyarada iyo ciyaaraha gudoomiyaha gudiga cadaalada baarlamaanka iyo aqoon yahano.

Munaasabada waxaa hadalo ka soo jeediyay qaar ka mid ah mas’uuliyiintii ka qayb gashay oo iyagu ku dheeraaday dhibaatooyinka dhalinyarada iyo sidii looga gudbi karo waxaana Mas’uuliyiintu ay dhalinyarda ku dhiiri galiyeen in dalkooda ay jeclaadaan oo tahriibka ay iska dhaafaan.

Guddoomiyaha xarunta cilmi baarisra dhalinyarada Soomaaliyeed, Salaad Sheekh Yuusuf Cadaw, ayaa faah faahin ka bixiyay muhiimada cilmi baarista ay sameeyeen iyo ujeedka laga lahaàa.

Xildhibaan Maxamed Amiin, gudoomiyaha kudlada dhalinyarada Baarlamaanka ayaa sheegay in dhalinyarada Soomaaliyeed dhinacyo badan ay dhibaato kala kulmaan isla markaana ay jiraan dhinacyo cadaw ah oo dhanka xun uga faa iideysta qaarkood.

Sidoo kale Xildhibaan, Faarax Sheikh Cabdiqaadir, oo ka mid ahaa ka qayb galayaasha shirka ayaa bogaadiyay dhalinyarada iyo doorkooda ka qayb qaadadhada nabada iyo hormarinta dalkaan. Waxaana uu weydiistay in midnimada laga wada shaweeyo.

“Muhiimadeena koowaad labaad iyo sadaxaad waa in ay ahaataa adkeynta midnimadeena qaranimadeena sharafkeena iyo badbaadinta dalkeena intaa hadaan sameyno waa hubaa dalkeenu waa hagaagaa” ayuu yiri Faarax.

Wasiir ku xigeenka wasaaradda dhalinyarada iyo ciyaaraha dalka mudane Cismaan Dhuubow oo gaba gabadii ka hadlay kulankaa ayaa sheegay in dhibaatada dhinacyada ku qasba dhalinyarada tahriibka ee ay ka mid yihiin shirkadaha shaqada xujada uga dhiga basaboorka ajanabiga ah in talaabooyin laga qaadi doono.

“Ninka ajanabiga ah ee Taangiga wata ee ama Kenya ka soo galaya ama Ethiopia ka soo gudbaya waa xor meesha uu doono ayuu dalkaan ka mari karaa maxaa diiday in mawaadinka Soomaaliyeed ee aan hubka wadan uu dalalkaas xoriyad ku maro ” ayuu yiri Dhuubow.

13211186_1037298773016290_790253244_o 13223603_1037338529678981_707044162_o 13225223_1037298726349628_961179406_o 13230973_1037343009678533_410522004_o 13242086_1037338466345654_1980099487_o

About the Author

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

gabadhiireerSudan BaadiGoob300 tuuglaxaday300 ANAASIXRAYNINKA3002 Aabedartii300 arooskaorod300