Published On: Thu, May 12th, 2016

Kenya oo qorsheyneysa inay xirto xerada Dhadhaab

dhadhaab
Warbixin lagu daabacay wargeyska Daily Nation ee ka soo baxo dalka Kenya ayaa lagu sheegay in wasaaradda arimaha gudaha dalkaas ay wado qorshayaal lagu xiraayo Xerada Qaxootiga Dhadhaab oo ah xerada ugu weyn waqooyiga dalka Kenya oo ay ku nool yihiin in kabadan 350,000 oo qaxooti u badan Soomaali.Warbixinta ayaa sidoo kale lagu sheegay in Wasiirka Arimaha Gudaha Dalka Kenya, Joseph Nkacery oo la hadlay warbaahinta uu sheegay in ay wadaan qorshayaal lagu xiraayo xerada Dhabaab oo uu sheegay in ay gabaad ka dhigtaan kooxaha nabad diidka ee falalka argagixiso ka geysta gudaha dalka Kenya.

“Mudo Sanad gudaheed ah ayaa ku xireynaa xerada Qaxootiga Dhadhaab, si aan u xaqiijino amnigeena, islamarkaana aan uga hortagno qatarta kooxaha Argagixisada Al-shabaab ee ku dhuumaakeysanayo xeryaha qaxootiga ee ka furan gudaha dalka Kenya” ayuu yiri, Wasiirka Arimaha Gudaha Dalka Kenya, Joseph Nkacery.

Wasiirka ayaa sidoo kale sheegay in dadka qaxootiga ah ay u celinayaan dalalka ay ka soo haajiraan oo uu sheegay in ayka jirto xasilooni siyaasadeed iyo isbadal xooggan oo dhanka amniga ah.

Hadalkaan ka soo baxay madaxda dowladda Kenya ayaa waxa uu walaac xooggan ku abuuray qaar ka mid ah dadka qaxootiga ah ee ku nool xeradaasi, waxaana madaxda dowladda Soomaaliya looga fadhiyaan dib u dajinta qaxootiga lagu wado in sanadkan dib loogu soo celiyo Soomaaliya.

source: SONNA

About the Author

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

gabadhiireerSudan BaadiGoob300 tuuglaxaday300 ANAASIXRAYNINKA3002 Aabedartii300 arooskaorod300