Published On: Sun, May 8th, 2016

Madaxweynaha Jabuuti oo mar kale xilka loo Caleema saaray

1-6
Madaxweynaha dalka Djibouti Mudane Ismaciil Cumar Geelle ayaa maanta loo caleemo saaro xilka Madaxtinimada Jabuuti mar kale kadib markii uu dhawaan ku guuleystay doorashadii madaxtinimo ee dalkaasi ka dhacday, waxaana munaasabadda ka qeyb galaya madaxda gobolka oo uu ku jiro Madaxweynaha Soomaaliya mudane Xasan Sheekh Maxamuud oo si diiran loogu soo dhaweeyay dalka Jabuuti.

Xafladda Caleema saarka ayaa sidoo kale waxaa ka soo qaybgalay madax ka socotay dalal kala duwan oo caalam ah kuwaas oo ugu wada hambalyeeyay guusha uu mar kale ka gaaray madaxweyne Geele doorashooyinkii dalkaa ka dhacay,

waxaana madaxweyne Ismaaciil Cumar Geele oo khudbad ka jeediyay Xafladda uu u ballan qaaday shacabka Jabuuti in dalka uu gaarsiin doono meesha hadda uu joogo meel ka sii wanaagsan, isagoo ku amaanay shacabkiisa sida ay codkooda mar kale u siiyeen, taas oo uu sheegay in ay siineyso kalsooni ah in daacadnimo iyo karti uu dalka ku sii hoggaamiyo.

Madaxweynaha Jamhuuriyadda Federaalka ah ee Soomaaliya Mudane Xasan Sheekh Maxamuud iyo wafdi uu hogaaminayo oo shalay gaaray dalka Jabuuti ayaa qeyb ka ah madaxda ka qeyb galaysa xafladda caleemo saarka, waxaana ay wada qaateen kulan madaxweynaha jabuuti isagoo mar kale ugu hambalyeeyay madaxweynaha Soomaaliya guusha uu ka gaaray madaxweyne Geele doorashooyinkii dalkaasi ka dhacay.

About the Author

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

gabadhiireerSudan BaadiGoob300 tuuglaxaday300 ANAASIXRAYNINKA3002 Aabedartii300 arooskaorod300