Published On: Wed, May 4th, 2016

Isu soo bax lagu taageerayay burburinta Jigooyooyinka oo maanta Galkacyo ka dhacay”SAWIRRO”

vlcsnap-2016-05-04-13h32m00s31

Isku soo baxaan oo ahaa mid lagu taageerayay howlgallada ciidamada nabad sugida iyo booliiska galmudug ay kula dagaallamayaan jidgooyooyinka sharci darada ah ayaa maanta lagu qabtay duleedka dhanka koofureed ee magaalada galkacyo,
Waxaana dibad baxaan oo ay ka qeyb galeen qeybaha kala  duwan ee bulshada iyo masuuliyiinta maamulka dagmada Galkacyo ay dadku ku muujinayeen dareenkooda ku aadan sida u taageersan yihiin dadaalka ciidamada maamulka galmudug ee la xiriira burburinta dhammaan jidgooyooyinka sharci darada ah ee yaalay qayba ka mid ah magaalada Galkacyo

Guddoomiyaha ururka dhalinyarada ee maamulka Galmudug Caydiid Cali Xasan kaas oo sheegay in dhalinyara ahaan ay dhacsan yihiin dadaalka ciidamada Galmudug ee ku aadan la dagaalan ka Jidgooyooyinka sharci darada ah ee yaalay qayba ka mid ah magaalada Galkacyo, waxaanu sheegay in ciidanka ay garab taagan yihiin.

“Xaqiiqdii maanta waa noo farxad inaan halkaan isugu nimaano shalay iyo doraad meeshaan ma aanan imaan karin qof faraxsana meeshaan ma mari karin xalay, waxaan hubnaa dadkii baabuurta saarnaa ayagoo hurda oo faraxsan ineey mareen wadadaan dhididka naga baxaaya waan ku qubeeysaneeynaa dharka aan wadanana dhigi meeyno ilaa meeshaan ay nabad noqoto, waxaana idiin mahadcelineeynaa marka dadka kasoo baxa muqdisho ay nabad ku yimaadaan galkacyo wxaana mahad celin gaara iska leh ciidamada NiSA iyo Booliska kuwaas oo howshan qabtay”

Guddoomiyaha ururka Haweenka Maymuun Cali Nuur ayaa Iyana dhankeeda bogaadisay ciidamadii howshaan qabtay, waxa ayna tiri.

“Hambalyo saaka waa subax farxadeed waxan ku faraxsanahay anagoo ugu horreeyn alle u mahad celineeyna markalabaad dowlad gobaledka Galmudug gaar ahaan ciidamada nabad sugida booliiska iyo daraawiishta galmudug qaasatana waxaan si gooni ah ugu mahad celinayaa ciidanka nabad sugida soomaaliyeed ee NISA oo maalin walba ku dadaala wax ka qabashada arimaha dhagxumada nagu ah sida hooyooyinkiiba la kufsaday shacabkiiba la dhibaateeyay wadooyinka ku safrayay ayeey ka dhawaajisay gudoomiyaha ururka haweenka Gobalka Mudug”

Dhanka kale guddoomiye ku-xigeenka Galkacyo Xirsi Yuusuf Barre  ayaa isaguna dhankiisa bogaadiyaya shacabka Galkacyo shucuurta ay muujiyeen sida ay u garab taagan yihiin maamulkooda.

“Waxaan rabaa inaan dhaho shacabka reer gaalkacyoow aad iyo aadbaad u mahadsan tihiin dareenkiina muujiya sida aad uga soo horjeedaan isbaarooyinka dadka lagu dhibaateeynayo sidaasna kusii wada nidaamka aad uga soo horjeedaan isbaarooyinka, waxaan utacsiyeeynayaa wiilaashii qiimaha badnaa ee ku nafwaayay howlgalkii shalay ciidamada NiISA ay kula dagaalamayeen jidgooyooyinka sharci darada ah” ayuu yiri guddoomiyaha Galkacyo.

Howlagalkaan ay sida wadajirka ah u billaabeen ciidamada booliiska Galmudug iyo kuwa nabad sugida soomaaliyeed ee NISA ayaa kusoo aadaya xilli sanadihii u danbeeyayba ay jireen dhibaatooyin isugu jira dil iyo dhac loogu geeysanayay gaadiidka iyo shacabka ku safra wadada
isku xirta magaalooyinka galkacyo iyo galinsoor, waxaase howlgalkaan uu hadda raja galiyay shacabka iyo gaadiidka ku safra waddooyinkaas maaddaama laga hor qaaday jidgooyooyinkii sharci darada ahaa ee dhibaatada ku hayay muddada dheer.

W/D=wariye C/risaaq Maxamed Axmed Galkacyo

vlcsnap-2016-05-04-13h32m12s187 vlcsnap-2016-05-04-13h32m19s17

vlcsnap-2016-05-04-13h32m26s91vlcsnap-2016-05-04-13h32m32s148 vlcsnap-2016-05-04-13h32m54s73 vlcsnap-2016-05-04-13h33m36s254 vlcsnap-2016-05-04-13h33m44s96 vlcsnap-2016-05-04-13h33m54s178 vlcsnap-2016-05-04-13h34m01s2 vlcsnap-2016-05-04-13h34m16s154

About the Author

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

gabadhiireerSudan BaadiGoob300 tuuglaxaday300 ANAASIXRAYNINKA3002 Aabedartii300 arooskaorod300